新香港人?

十幾年冇寫過blog, 今次想開黎講講車, 飲食同政治. 見輔仁媒體, 主場新聞, 評台搞得咁成功, 我都might as well東施效顰開個blog廢噏下.

車會好似German Cars For Sale, Piston Heads同Bring A Trailer咁, 每日cover下溫哥華多倫多分類廣告有咩正二手車. 如果加州同PNW有正車我都會揀黎貼下. 香港十個講車九個鳩吹, 如果你想睇新超跑有型有幾正, 唔該唔好睇我. 我係九十年代死硬派, E36 M3永遠係最正, Integra要玩DC2R.

飲食都係會港島區多, 我lunch有差唔多兩個鐘, 又不擅於交際應酬, 食飯多數solo, 最鍾意平民化食物. 唔鍾意係香港食唐人西餐, 茶餐廳永遠覺得加拿大比較好食, 因為唔使用黑心食品同交租.香港同加拿大朋友成日話我似少年食神同胡慧沖, 我覺得我似孤獨的美食家果個架仔多d,一個人食飯, 唔使睇人面色, 幾正.

政治梗係我最鍾意既本土派啦同美加新聞啦. 間中會有國際同中國評論, 不過事先聲明, 我經濟立場極右, 反對最低工資, 想睇扶貧最好唔好讀.

原本想講少少「 新香港人」, 但係太眼訓, 聽日先寫.